Նոյեմբերյանի ավտոկայարանից տեղեկացանք, որ հոկտեմբերի 1-ից ցայսօր Նոյեմբերյան-Երեւան երթուղին սպասարկող միկրոավտոբուսներն առավոտյան ժամը 8-ին եւ 9-ին նախատեսված երկու ուղերթների փոխարեն դեպի Երեւան միայն մեկ ուղերթ են կատարում՝ ժամը 9-ին: Պատճառն այն է, որ երթուղին սպասարկող 5 վարորդներից 3-ն է աշխատանքից դուրս եկել: Վարորդներն աշխատանքից ազատվել են, որովհետեւ չեն կարողանում կատարել իրենց վրա դրված ամենօրյա վճարի «պլանը»:
Սույն երթուղին սպասարկող «Բագրատաշենի մաքսային պահեստ» ՍՊԸ-ին պատկանող «Մերսեդես» եւ «Ֆորդ» մակնիշի միկրոավտոբուսները հարմարավետ են, վարորդները՝ փորձառու: Սակայն այդ միկրոավտոբուսները Նոյեմբերյանից Երեւան են մեկնում եւ մայրաքաղաքից վերադառնում մեծամասամբ կիսադատարկ:
Այդ ուղերթում ուղեւորների թվի նվազման հիմնական պատճառն այն է, որ Նոյեմբերյանից Երեւան եւ հակառակ ուղղությամբ բավական ակտիվ են գործում Նոյեմբերյանի տաքսի ծառայությունների եւ անհատների տաքսիները, որոնք ուղեւորին վերցնելով նրանց ցանկացած վայրից՝ հասցնում են Նոյեմբերյանի, Երեւանի ցանկացած վայր:
Պատճառներից մեկն էլ արտագաղթի պատճառով ուղեւորների թվի նվազումն է:
Կարդացեք նաև
Ոսկան ՍԱՐԳՍՅԱՆ