Քիչ առաջ ամփոփվեցին Արարատի քաղաքապետի ընտրությունները: Aravot.am-ի հետ զրույցում տարածքային ընտրական հանձնաժողովի նախագահ Խաժակ Աղաբեկյանը հայտնեց, որ ըստ նախնական տվյալների՝ Արարատ քաղաքի 7 տեղամասերի 8921 ընտրողներից 4544-ը քվեարկել է ՀՀԿ-ի կողմից առաջադրված Հայկ Հայկյանի օգտին, ԲՀԿ-ի ներկայացուցիչ Սամվել Բարսեղյանի օգտին քվեարկել է 4214 ընտրող:
160 քվեաթերթիկ անվավեր է ճանաչվել:
Արդյունքում քաղաքապետ է ընտրվել Հայկ Հայկյանը: