Սանկտ Պետերբուրգի դատարանը ազատ է արձակել «Գրինփիս»-ի (Greenpeace) հայազգի անդամին, որը սեպտեմբերին մասնակցել էր Արկտիկայի հորատման դեմ բողոքի ակցիային: Հայտնում է «Մոսքոու Թայմս» թերթը՝ հղում անելով բնապահպանական կազմակերպության կայքին:
Երկուշաբթի օրը դատարանը բավարարել է «Գրինփիս»-ի խոսնակին՝ Անդրեյ Ալահվերդովին գրավի դիմաց ազատելու պահանջը: Ալահվերդովը «Արկտիկայի արշալույս» նավի վրա էր, երբ կազմակերպության 30 անդամները փորձել էին «Գազպրոմ Նեֆթի» արդյունահանման սարքավորումը գցել Պեչորա ծովի մեջ: Ալահվերդովի արձակման գրավը կազմել է 2 միլիոն ռուբլի (մոտ 25 միլիոն դրամ):
Ավելի վաղ նույն պահանջով դատարանն ազատել էր բժիշկ Եկատերինա Զասպային և լուսանկարիչ Դենիս Սինյակովին:
Ակտիվիստներին գրավի դիմաց ազատելու նախկինում արված հայցերը մերժվել էին:
Պատրաստեց Հովհաննես ԻՇԽԱՆՅԱՆԸ
