Ստամբուլում Բյուզանդական ամենամեծ քրիստոնեական տաճարը մյուս տարի վերականգնելուց հետո կվերածվի մզկիթի: Հայտնում է «Հուրիյեթ» թերթը:
Ստուդիոս տաճարը (Սուրբ Հովհաննես Մկրտիչ), վերածելով մզկիթի, կվերանվանվի Իմրահոր Իլյաս Բեյ:
«Ես չէի ցանկանա խոսել որպես խորհրդի անդամ, սակայն իմ անձնական կարծիքն է՝ մշակութային ժառանգությանը չպետք է վերաբերել որպես թշնամական ժառանգություն: Եթե մենք այդպես վերաբերվենք, այն կարող է վնասել հասարակությանը», – ասել է Հիմնադրամի գլխավոր տնօրինության ներկայացուցիչ Լակի Վինգասը՝ ավելացնելով, որ այս հարցը վշտացնում է հասարակությանը, և սա միայն հույների խնդիրը չէ:
5-րդ դարի տաճարը Բյուզանդական ժամանակաշրջանի Կոստանդնուպոլիսի ամենակարևոր տաճարն էր, որը նաև ծառայում էր որպես Բյուզանդիայի մտածողների կենտրոն: Օսմանյան կայսրությունում Սուլթան Բայեզիդ 2-րդի օրոք այն վերածվել էր մզկիթի: 18-րդ և 19-րդ դարերի երկու հրդեհների պատճառով այն գրեթե կործանվել էր: 1946թ. իշխանությունը տաճարը դարձրել էր թանգարան:
Կարդացեք նաև
Թուրքիայում արդեն երկու տաճարներ արժանացել են մզկիթ դառնալու ճակատագրին՝ Տրապիզոնի և Նիկեայի Սուրբ Սոֆյա տաճարները, իսկ Ստամբուլի նույնանուն տաճարը մահմեդականացնելու համար բուռն քննարկումներ են տեղի ունենում:
Պատրաստեց Հովհաննես ԻՇԽԱՆՅԱՆԸ
