Այսօր Շիրակի մարզի ընդհանուր իրավասության դատարանում շարունակվեց այս տարվա օգոստոսի 5-ին գիշերով Գյումրու «Ռուբին» ոսկերչական սրահը թալանելու փորձ կատարած երկու ոստիկանների` ոստիկանության Մուշ բաժնի քրեական հետախուզության բաժանմունքի պետի տեղակալ Հրաչ Քալաշյանի և նույն բաժնի օպերլիազոր Արտակ Բադալյանի դեմ հարուցված քրեական գործի քննությունը:
Դատախազը պահանջել է 5 տարվա ազատազրկման ենթարկել այս երկու ոստիկաններին: Հետաքրքիրն այն է, որ թեև ամբաստանյալները իրենց նախաքննական ցուցմունքներում գրել էին, որ ոսկու խանութ մտնելով` ուզել են ոչ թե գողություն անել, այլ վրեժ լուծել «Ռուբին»-ի Գրիշից, քանի որ նա Հրաչ Քալաշյանին «նիսյայով» մատանի չէր տվել իր խանութից, խանութի տեր Գրիշա Հովեյանը այսօր դատարանին խնդրել է մեղմ մոտենալ նրանց:
Գրիշա Հովեյանը հայտարարել է, որ նրանք երիտասարդ են, կյանք են մտնում և չի ուզում, որ վատ լինի նրանց համար: Հաջորդ դատական նիստին դատարանը կլսի այս երկու չամուսնացած, երիտասարդ ոստիկանների շահերը ներկայացնող Արամայիս Հայրապետյանի պաշտպանական ճառը:
Կարդացեք նաև
Նունե ԱՐԵՎՇԱՏՅԱՆ
ինչքան է կազմել Գյումրու բյուջեն? թափանցիկ աշխատող քաղաքապետարանից չենք կարող ճշտել
Ուր է sms-իս սկիզբը, ես գրել էի, որ ձեր լրագրողը կարող է իրա ծանոթների միջոցով պարզի թե Գյումրու այս տարվա բյուջեն ինչքան է կազմել, և ինչու է կրճատվել այն, բայց չի կրճատվել քաղաքապետարանի աշխատակազմի թիվն ու աշխատավարձերը?