Բարձրագույն որակավորման հանձնաժողովի (ԲՈՀ) նախագահի տեղակալ Ատոմ Մխիթարյանը Aravot.am-ի հետ զրույցում հայտնեց, որ երեկ տեղի է ունեցել ԲՈՀ-ի կոլեգիայի նիստ, որտեղ, ի թիվս քննարկված այլ հարցերի, որոշվել է վերադարձնել եւս 10 գիտական աշխատանք:
Ի դեպ, ըստ ԲՈՀ-ի կայքի անցյալ տարվա հուլիսից սկսած վերադարձվել է 39 աշխատանք, այդ թվում՝ երեք դոկտորական ատենախոսություն:
Ատոմ Մխիթարյանը նաեւ պարզաբանեց, որ թե նախկին, թե երեկ վերադարձված աշխատանքներում առկա էին ինչպես որակի հետ կապված խնդիրներ, այնպես էլ արտագրության փաստեր:
ԲՈՀ-ի նախագահի տեղակալը պատասխանելով Aravot.am-ի հարցին՝ հավելեց, որ թերություններով ատենախոսություններ շատ են հանդիպում, մասնավորապես տնտեսագիտության ոլորտում, ինչը, նրա ասելով, ԲՈՀ-ին հիմք է տալիս վերանայել տնտեսագիտության ոլորտում գիտական աստիճաններ շնորհող խորհուրդների աշխատանքը: «Չի բացառվում, որ այդ խորհուրդները լուծարվեն»,-հայտնեց Ատոմ Մխիթարյանը:
Կարդացեք նաև
Մանրամասները՝ վաղվա տպագիր «Առավոտում»:
Գոհար ՀԱԿՈԲՅԱՆ
