Արարողակարգից հետո բարձրաստիճան պաշտոնյաները փորձում էին արագ հեռանալ Եռաբլուր զինվորական պանթեոնից: Եկեղեցու մուտքի մոտ Սերժ Սարգսյանին փորձեցին մոտենալ մի խումբ քաղաքացիներ, ովքեր դժգոհում էին, որ զինվորականներին տրվող թոշակները բավականին քիչ են: Ի պատասխան Սերժ Սարգսյանը հայտարարեց, թե բարձրացրել են: Զոհված զինծառայողների հարազատները սակայն նշեցին, որ ոչ մի բարձրացում չի եղել: «Սուտ ա ասում, զինվորականինը չեն բարձրացրել»,- արդեն հեռացող Ս. Սարգսյանի հետեւից գոռաց հավաքվածներից մեկը:
Ըստ «Գալա»- ի, քաղաքացիների դժգոհությունները լսել հրաժարվեցին նաեւ ՀՀ վարչապետն ու ԱԺ նախագահ Հովիկ Աբրահամյանը: Իսկ ՀՀ ոստիկանապետ Վլադիմիր Գասպարյանն էլ խորհուրդ տվեց զանգահարել իրենց թեժ գծին:
Նյութի մանրամասները կարդացեք սկզբնաղբյուր կայքում
