2013թ. արտերկրից Հայաստան կատարված դրամական փոխանցումների ծավալը շուրջ 65 մլն դոլարով գերազանցել է 2012թ. արդյունքները՝ կազմելով ավելի քան 2,3 մլրդ դոլար։ Այս գումարների ավելի քան 80%-ը կամ շուրջ 1,9 մլրդ դոլարը Հայաստանի բանկային համակարգի միջոցով ֆիզիկական անձանց անունով կատարված ոչ առեւտրային բնույթի փոխանցումներն են, որոնք անցյալ տարի, 2012թ. համեմատ, աճել են ավելի քան 182 մլն դոլարով։ Իսկ այն, որ 2013թ., նախորդ տարվա համեմատ, արտերկրից դրամական փոխանցումների ընդհանուր աճը կազմել է հազիվ 65 մլն դոլար, նշանակում է, որ բացի ոչ առեւտրային բնույթի փոխանցումների շեշտակի աճը, այլ նպատակներով իրականացվող փոխանցումների ծավալները ոչ միայն չեն պահպանվել, այլեւ նկատելիորեն նվազել են։
Իսկ թե ինչ կարող է ենթադրել սա իր հերթին, կարծես թե մանրամասնելու հարկ չկա։ Արտերկրում գտնվող մեր հայրենակիցները, բացի իրենց ընտանիքների եւ հարազատ-բարեկամների ընթացիկ կարիքները հոգալուց, այլ նպատակներով փոխանցումներ շատ քիչ են կատարում։ Այսինքն՝ բանկային համակարգով Հայաստան մտնող գումարների ահռելի մասը բառացիորեն ուղղվում է տնային տնտեսությունների գոյատեւմանը եւ նրանց սոցիալ-կենցաղային կարիքները հոգալուն։
Հաշվարկված է, որ Հայաստանի տնային տնտեսությունների եկամուտների առնվազն 10%-ը գոյանում է տրանսֆերտներից։
Թամարա ՂԱԼԵՉՅԱՆ
Կարդացեք նաև
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
