Միացյալ Նահանգների սենատոր Ջոն ՄըքՔեյնը «Ամերիկայի Ձայն»-ին տված հարցազրույցում մտահոգություն է հայտնել Սոչիի օլիմպիական խաղերից հետո Ռուսաստանի նախագահ Վլադիմիր Պուտինի կողմից Ուկրաինայում ձեռնարկվելիք քայլերի կապակցությամբ:
«Ես շատ եմ մտահոգված նրանով, թե ինչ է անելու Վլադիմիր Պուտինն Ուկրաինայում Սոչիի օլիմպիադայից հետո: Իրավիճակը լուրջ է: Առավելագույնը, ինչ կարող ենք անել, դա Եվրամիության հետ համատեղ գործելն է ու Ուկրաինայի հետ ֆինանսական պայմանագրի կնքելը»:
Գնահատելով Վրաստանի հետ կապված իրավիճակը՝ սենատոր ՄըքՔեյնը նշել է, որ Թբիլիսիի ու Մոսկվայի հարաբերությունները լարված են մնում, քանի որ «Ռուսաստանը շարունակում է ոտնձգություններ կատարել Վրաստանի տարածքի վրա»:
Սենատորը հիշեցրել է, որ Վրաստանը շարունակում է ՆԱՏՕ-ի անդամակցության ձեռքբերմանն ուղղված աշխատանքները, և հույս է հայտնել, որ դա վերջ ի վերջո իրականություն կդառնա:
Կարդացեք նաև
Հարցազրույցում ՄըքՔեյնը նշել է նաև, որ Վրաստանում իրավիճակը զգալիորեն բարելավվել է՝ «նախագահ Սահակաշվիլիի շնորհիվ»:
Հրապարակումն ամբողջությամբ կարող եք կարդալ սկզբնաղբյուր կայքում:
