Ինֆորմացիոն տեխնոլոգիաների ձեռնարկության միության գործադիր տնօրեն Կարեն Վարդանյանը, եւ քաղտեխնոլոգ Վիգեն Հակոբյանը Aravot.am-ի հետ զրույցում անդրադարձան պարտադիր կուտակային կենսաթոշակային համակարգին, կարծիք հայտնեցին, թե երեւույթի դեմ պետք է պայքարել կոլեկտիվներով:
Դիտարկմանը, որ օրինակ Ալեքսանդր Սպենդիարյանի անվան օպերայի եւ բալետի ազգային ակադեմիական թատրոնի անձնակազմը, մասնավորապես՝ «Անուշ» օպերայի դերասանները այդպես վարվեցին, սակայն ՀՀ մշակույթի փոխնախարար Արթուր Պողոսյանի այցից հետո վախեցան, դերասանները անգամ հրշեջ ներկայացան, այս դեպքում ինչպես պայքարել վախի մթնոլորտում, Կարեն Վարդանյանն ասաց. «Հնարավոր է: Մարդիկ կան, որոնք վախենում են, մարդիկ կան, որոնք վախ չունեն նման բաներից: Մարդիկ միայն միասնական լինելու դեպքում չեն վախենում: Մի բան է, երբ բռնկվում, ասում են չեմ խաղալու «Անուշը», եւ այլ բան է, երբ նստում կոլեկտիվով քննարկում են, օրինակ` եթե մշակույթի նախարարը գա ինչ կանենք, կամ` եթե փող առաջարկեն, ինչպես վարվենք, այսինքն`բանականությունն առաջանում է, երբ կոլեկտիվ քննարկում կա, իսկ երբ մարդը մենակ է` վախենում է: Մեր հիմնական ձգտումն այն է, որ հասարակությունը կրիստալիզացվի, քննարկման հարթակներ առաջանան, որ մարդիկ քննարկեն, թե որտեղ ինչպես վարվել»:
Վիգեն Հակոբյանն էլ հավելեց. «Եթե փողոցն ավելի ուժեղ է այդ պահին, քան մշակույթի փոխնախարարը, այսինքն` ներսը նրանք միանում են: Ամբոխի հոգեբանություն է, այն միշտ ուզում է կրողի հետ լինել»:
Կարդացեք նաև
Եվա ՀԱԿՈԲՅԱՆ
