Հայաստանի և Իրանի սահմանային գոտում Խաղաղության և բարեկամության այգի ստեղծելու բանակցություններն ավարտված են, հայտնել է Իրանի նախագահի խորհրդական, Իրանի շրջակա միջավայրի պահպանության կազմակերպության նախագահ Մասումա Էբթեկարը: Փոխանցում է «Ալ-Մանար» լրատվականը:
Հայ-իրանական բարեկամության այգի ստեղծելու գաղափարը ծնվել է 2012թ., երբ Թեհրանի ու Երևանի միջև սահմանի երկու կողմում բնական արգելոց հիմնելու մասին պայմանագիր էր ստորագրվել. արգելոցը կխորհրդանշի և կամրապնդի երկու հարևան երկրների խորացող համագործակցությունը:
Այգին կունենա մոտ 65 հազար հեկտար տարածություն՝ ընկած Արաքս գետի մոտ:
Ըստ Հայաստանի և Իրանի պաշտոնական տեղեկատվության, այգին ոչ միայն կպաշտպանի լեռնային կենդանական և բուսական աշխարհը, այլև կնպաստի էկոզբոսաշրջությանը:
Կարդացեք նաև
Էբթեկարը հույս է հայտնել, որ այգու կառուցումը կսկսվի մոտ ապագայում:
Պատրաստեց Հովհաննես ԻՇԽԱՆՅԱՆԸ
