Այսօր հասարակական պաշտպանների միության տնօրեն Արամ Գրիգորյանը լրագրողների հետ կայացած հանդիպման ժամանակ դեմ արտահայտվեց ՀՀ վարչապետի`գազի ծախսի հետ կապված հանձնաժողով ստեղծելու առաջարկին.
«Այդ հանձնաժողովի առաջարկի գաղափարը ծնվել է մի մարդու մոտ, որը ղեկավարում է նման մի հանձնաժողով: Եթե տեղյակ եք`առաջարկությունը արել է հանրային ծառայությունները կարգավորող հանձնաժողովի նախագահը: Էդ մարդը երեկ ասաց, որ իր հանձնաժողովը գոյություն չունի, չկա, իր հանձնաժողովին ոչ ոք չի վստահում, իր հանձնաժողովը որևէ բան չի անում, բերեք ստեղծենք մեկ այլ հանձնաժողով, որը հասարակության մոտ կարող է հավատ ներշնչել, և որի ասված ուսումնասիրությունները հանրությունը կարող է ընկալել:
Սա նշանակում է, որ մեր պետական կառավարման համակարգում, մասնավորապես`գազի խնդրի վերաբերյալ կա բաց: Որովհետև պետականորեն ստեղծված հսկայական հանձնաժողովը, որը մեր գրպանից սակագնով նախատեսված հսկայական գումարներ է ստանում, ինքը չի կարողանում որևէ գործառույթ իրականացնել, իրեն հասարակությունը չի վստահում, և այդ պարագայում, ինքը, մնալով իհարկե, առաջարկում է ստեղծել մեկ այլ հանձնաժողով»:
Ա.Գրիգորյանը համարում է, որ նոր հանձնաժողով ստեղծելը մեր երկրի համար լրացուցիչ ծախս է, որի իմաստը ընդհանրապես չկա. «Հանձնաժողովը ստեղծում են ոչ թե խնդիրը ուսումնասիրելու, քննարկելու, այլ հանձնաժողովը ստեղծում են կալորիականություն ստուգելու համար, որ ընդհանրապես պետք չէ:
Կարդացեք նաև
Մանրամասները`տեսանյութում
Պրն. Գրիգորյանը հավելեց, որ մեր հանրապետությունում գազի խնդիրը վաղուց դուրս է եկել տնտեսական և սոցիալական ոլորտից, և դարձել է քաղաքական խնդիր. «Գազի խնդիրը բնակչի համար, քաղաքացու համար զուտ սոցիալական և տնտեսական խնդիր է` ես ուզում եմ ունենալ, օգտագործել այնքան գազ, որ ինձ բավարարի և ուզում եմ ունենալ այնքան սոցիալական վիճակ`գումար, որ կարողանամ դրա դիմաց հեշտությամբ վճարել: Սա է ամբողջ խնդիրը»:
Բավական ԱՓԻՑԱՐՅԱՆ
