ՀՀ ՊՆ N զորամասի զինծառայողների սոցիալական պաշտպանության բաժնի պետի կողմից մահացած զինծառայողի հորից կաշառք վերցնելու գործը կքննվի արագացված ընթացակարգով:
Երևանի Արաբկիր և Քանաքեռ Զեյթուն վարչական շրջանների ընդհանուր իրավասության դատարանում այսօրվա նիստը հետաձգվեց՝ տուժող Մանուկ Սարգսյանի, ամբաստանյալի պաշտպաններ՝ Վահագն Բաբայանի և Կրոմվել Գրիգորյանի բացակայության պատճառով:
Ըստ մեղադրական համառոտ եզրակացության՝ ՊՆ N զորամասի զինծառայողների սոցիալական պաշտպանության բաժնի պետ-հրամանատար Դավիթ Դավթյանը տեղեկանալով ժամկետային զինծառայող Երվանդ Սարգսյանի 2010թ. մահվան կապակցությամբ նրա ընտանիքին ՀՀ ՊՆ կողմից հատկացվելիք անհատույց պետական ֆինանսական աջակցության մասին, մահացած զինծառայողի հորը՝ Մանուկ Սարգսյանին ներկայացրել է, թե այդ գործընթացի արագ կազմակերպումը իբր կախված է իրենից։ Մինչդեռ, իրականում, այդ հարցի լուծման վրա ազդելու որեւէ լիազորություն նա չի ունեցել։ Նախաքննական մարմնի գնահատմամբ, Դավթյանը չարաշահելով Մ.Սարգսյանի վստահությունը, պետական ֆինանսական աջակցություն տրամադրելու գործընթացն արագացնելու համար պահանջել և իր աշխատավայրում կաշառք ստանալու պատրվակով վերջինիցս վերցրել և հափշտակել է զգալի չափ հանդիսացող՝ 411500 ՀՀ դրամին համարժեք 1000 ԱՄՆ դոլար։
Դավիթ Դավթյանին մեղադրանք է առաջադրվել ՀՀ քրեական օրենսգրքի 178-րդ հոդվածի 1.1-րդ, 5-րդ կետերով, իսկ նրա նկատմամբ որպես խափանման միջոց է ընտրվել կալանքը:
Կարդացեք նաև
Մանրամասները կարող եք կարդալ` «Փաստինֆո»-ի կայքում
