Այսօր ՀՀ վարչապետ Տիգրան Սարգսյանը, մինչ կսկսեր կառավարության նիստի օրակարգի հարցերի քննարկումը, բնապահպանության նախարար Արամ Հարությունյանին առաջարկեց պարզաբանումներ ներկայացնել, թե ինչո՞ւ է կտրվել Գագիկ Ծառուկյանին պատկանող «Արարատ ցեմենտ» գործարանի ջուրը: Պարոն Հարությունյանը, «Արարատ ցեմենտի» ջրազրկումը պայմանավորելով Արարատյան դաշտավայրում կատարվող տեսչական ստուգումներով, հորդորեց այս գործառույթները չքաղաքականացնել: Ըստ նրա, «Արարատ ցեմենտի» շուրջ բարձրացված աղմուկը հիմնավոր չէ, քանի որ նախարարությունը համապատասխան աշխատանք է կատարել ցամաքուտային համակարգից:
Վարչապետը նախարարին առաջարկեց կառավարության նիստից հետո ասուլիսով հանդես գալ՝ խնդիրն առավել մանրամասն ներկայացնելու:
Լուսինե ԲՈՒԴԱՂՅԱՆ
