ԱԻՆ-ը տեղեկացնում է՝ մայիսի 3-ին, ժամը 21.43-ին ահազանգ է ստացվել, որ հրդեհ է բռնկվել Գեղարքունիքի մարզի Սևան քաղաքի Գրիբոյեդով փողոցի թիվ 22 շենքի մոտակայքում՝ ավտոտնակում, ներսում կայանված է ավտոմեքենա:
Դեպքի վայր է մեկնել մեկ մարտական հաշվարկ:
Պարզվել է, որ հրդեհը բռնկվել է Պ. Մ.-ին պատկանող ավտոտնակի երկրորդ հարկում, որը ծառայում է որպես խորդանոց:
Հրդեհը մեկուսացվել է ժամը 22.03-ին, մարվել՝ 22.23-ին: Այրվել է ավտոտնակի 2-րդ հարկի առաստաղը՝ 5 ք.մ և կենցաղային իրեր:
