«ԵՎՐՈՊԱԿԱՆ ԸՆՏՐՈՒԹՅՈՒՆ» դաշինքի նախաձեռնող խմբի հայտարարությունը
2013 թվականի սեպտեմբերի 3-ն Մոսկվայում Սերժ Սարգսյանի հայտարարությամբ անսպասելիորեն տապալվեց 3.5 տարի ընթացող Հայաստանի եւ Եվրամիության ասոցացման գործընթացը: Հանրության գաղտնի կայացված եւ Մոսկվայից թելադրված այդ որոշումը, ինչպես նաեւ դրան հաջորդած մի շարք որոշումները հեղինակությունը եւ գոյությունը աշխարհի քաղաքական քարտեզի վրա որպես ինքնուրույն սուբյեկտ:
Իրադրությունն էլ ավելի բարդացրին Ուկրաինայի իրադարձությունները, երբ եվրաասոցացման գործընթացի տապալման դեմ ծավալված ուկրաինացիների հանրային պայքարին Ռուսաստանի հակազդեցությունը հանգեցրեց փաստացի սառըպատերազմյան իրավիճակի: Այս պայմաններում Հայաստանի համար առավել քան երբեւէ արդիական ու հրամայական է դառնում ինքնիշխանության, աշխարհաքաղաքական կենտրոնների հետ ինքնուրույն հարաբերվելու խնդիրը, բազմապատկում է սեպտեմբերի 3-ի որոշման հետեւանքով պետությանը սպառնացող վտանգը:
– Նկատի ունենալով՝ սեպտեմբերի 3-ից առ այսօր Հայաստանի ինքնիշխանությանն ու արժանապատվությանը շարունակաբար հասցվող հարվածները, վտանգները, ու մարտահրավերները՝ այդ թվում Արցախի խնդրում
– Մտահոգ լինելով ՀՀ իշխանության գործողություններով, որոնք մի կողմից պայմանավորված են ՌԴ կոշտ թելադրանքով, մյուս կողմից՝ Հայաստանում իշխանության ու բիզնեսի սերտաճմամբ ձեւավորված քրեածին համակարգի շնորհիվ
– Առաջնորդվելով Հայաստանի Հանրապետության ինքնիշխանության, անվտանգության, տնտեսական եւ մարդկային զարգացման, պետական ու հասարակական կյանքի արդիականացման հրամայականով՝ որպես ժամանակակից աշխարհում ինքնիշխանության ու անվտանգության կարեւորագույն բաղադրիչները
– Դիտարկելով եվրոպական ուղղությունը, Եվրամիության հետ գործընկերության ու հավասարության սկզբունքի հիման վրա Հայաստանի Հանրապետության բազմակողմանի հարաբերությունների սերտացումը՝ որպես ինքնիշխանության, անվտանգության եւ համակողմանի զարգացման երաշխիք՝
Նախաձեռնող խումբը հայտարարում է
«ԵՎՐՈՊԱԿԱՆ ԸՆՏՐՈՒԹՅՈՒՆ» քաղաքական եւ քաղաքացիական դաշինքի ստեղծման մասին
