Լոռու մարզի առաջին ատյանի ընդհանուր իրավասության դատարանում, դատավոր Նարինե Հովակիմյանի նախագահությամբ, ընթանում է զինծառայողների փոխհարաբերությունների կանոնագրքային կանոնները խախտելու մեջ մեղադրվող պարտադիր ժամկետային զինծառայողներ Մ. Մկրտչյանի եւ Ս. Գրիգորյանի դատաքննությունը:
Համաձայն մեղադրական եզրակացության` Մ. Մկրտչյանին մեղադրանք է առաջադրվել այն բանի համար, որ նա հանդիսանալով ՀՀ ՊՆ թիվ N զորամասի 1-ին հրետանային դիվիզիոնի ղեկավարման մարտկոցի վարորդ-գազակուտակիչ, պարտադիր ժամկետային զինծառայող, կոչումով շարքային, այս տարվա փետրվարի 23-ին ժամը 12:30-ի սահմաններում վիճաբանել է համածառայող Ս. Գրիգորյանի հետ, ծեծի է ենթարկել վերջինիս` ձեռքով հարվածներ հասցնելով նրա մարմնի տարբեր մասերին` պատճառելով առողջության թեթև վնասի հատկանիշներ չպարունակող մարմնական վնասվածք:
Համաձայն մեղադրական եզրակացության` Ս. Գրիգորյանին մեղադրանք է առաջադրվել այն բանի համար, որ նա հանդիսանալով ՀՀ ՊՆ թիվ N զորամասի 1-ին հրետանային դիվիզիոնի նյութական ապահովման դասակի վարորդ, պարտադիր ժամկետային զինծառայող, կոչումով շարքային, նույն օրը ժամը 12:30-ի սահմաններում վիճաբանել է համածառայող Մ. Մկրտչյանի հետ, ծեծի է ենթարկել վերջինիս` ձեռքով հարվածներ հասցնելով նրա մարմնի տարբեր մասերին` պատճառելով առողջության թեթև վնասի հատկանիշներ չպարունակող մարմնական վնասվածքներ:
Նրանք նախկինում դատված չեն եղել:
Խափանման միջոց է ընտրվել նրանց հրամանատարության հսկողությանը հանձնելը:
Կարդացեք նաև
Անուշ ԲՈՒԼՂԱԴԱՐՅԱՆ
