«Ժամանակի» զրուցակիցն է ԲՀԿ քաղխորհրդի անդամ Վարդան Բոստանջյանը։
– Նոր վարչապետն էլ նախորդի նման ստվերային տնտեսության դեմ պայքարելու մասին հայտարարություններ է անում։ Հանդիպեց գործարարների հետ եւ ասաց, որ այսուհետ բոլորը աշխատելու են նոր խաղի կանոններով, եւ դա սկսելու է իրենից ու իր մերձավորներից։ Այս ընթացքում հավասար խաղի կանոններ ներդնելու հիմքեր ստեղծվե՞լ են։
– Ես դա չէի կարող զգալ, քանի որ այդ տիրույթից հեռու եմ, բայց ուզում եմ
մտածել, որ նման մոտեցումը զգաստացման առումով շատ մակերեսային
ազդեցություն կարող է ունենալ։ Բայց դա նման դժվար խնդրի լուծման համար
բացարձակապես մոտեցում չէ։
Նույնիսկ զարգացած երկրներում օրենքի գերակայության ինստիտուտը աշխատել է միայն այն պարագայում, երբ հագեցված է եղել անհրաժեշտ պատժամիջոցներով։ Պատժամիջոցներ սահմանված են, բայց դրանց ճնշող մեծամասնության պարագայում սուբյեկտները որեւէ խնդիր չունեն դրանք խախտելու, քանի որ սահմանված պատժամիջոցները շատ անգամ ավելի փոքր են, քան թե այն օգուտները, որոնք ստանում են այդ խախտման արդյունքում։ Իսկ մի զանգված էլ կա, որոնց նկատմամբ երբեւիցե պատժամիջոց չի կիրառվում։ Նրանք գտնվում են, այսպես կոչված, արտոնյալ պայմաններում։
Կարդացեք նաև
Արմինե ԱՎԵՏՅԱՆ
Հարցազրույցն ամբողջությամբ կարող եք կարդալ «Ժամանակ» թերթի այսօրվա համարում
