«Թվինինգ ծրագիրը թույլ է տալիս օժանդակել ԵՄ անդամ պետություններին փորձի փոխանակման առումով: Ծրագրի նպատակն է դատական ոլորտի բարեփոխումները, մասնավորապես այն, ինչ կապված է արդարադատության ոլորտում եվրոպական միասնական դաշտի ներդրմանը»,-այսօր ԵՄ Թվինինգ ծրագրի փակման արարողությանը հայտարարեց Հայաստանում ԵՄ պատվիրակության համագործակցության բաժնի ղեկավար Հոա-Բին Աջեմյանը:
Թվինինգը համագործակցության գործիք է, որը հնարավորություն է տալիս ԵՄ անդամ-պետության պետական հաստատության անձանց իրականացնել այլ երկրի պետական կառավարման ոլորտի զարգացմանը: Այն ՀՀ-ում իրականացվել է երեք բաղադրիչով՝ երկու տարով:
ՀՀ Արդարադատության նախարար Հովհաննես Մանուկյանը ծրագրի իրականացումը արդյունավետ համարեց ու շեշտեց, որ ՀՀ կառավարությունը կարևորում է համագործակցությունը միջազգային գործընկերների հետ, հատկապես ԵՄ ներկայացուցչության հետ. «Թվինինգը բավականին արդյունավետ էր, և Արդարադատության նախարարությունն այս ծրագրի հիմնական շահառուներից էր: Նախարարությունը ոլորտի առումով Թվինինգ ծրագրով միջազգային իրավական փոխօգնության համագործակցության ոլորտի հետ կապված աշխատանք է տարել նպաստել թարգմանչական ոլորտի զարգացմանը: Նախարարությունում ունենք թարգմանչական ծառայության իրականացման կենտրոն, որը նորմատիվ ակտերի թարգմանությունների խնդիրներով է զբաղվում»:
Հարցին՝ որքա՞ն է ծրագրի ֆինանսավորումը, պարոն Մանուկյանը դժվարացավ պատասխանել:
Կարդացեք նաև
ՀՀ էկոնոմիկայի նախարարի տեղակալ Գարեգին Մելքոնյանը տեղեկացրեց, որ
ՀՀ-ում մինչև այժմ իրականացվել է 10 Թվինինգ ծրագիր:
ՀՀ-ում Գերմանիայի Դաշնային Հանրապետության արտակարգ և լիազոր դեսպան Ռայներ Մորելը շեշտեց ՀՀ-ԵՄ համագործակցության կարևորության մասին ու ասաց. «Հայաստանը և Եվրամիությունը շարունակում են միասին աշխատել, որ գտնեն մի մոդել, որի շնորհիվ Հայաստանը կկարողանա համագործակցել ԵՄ-ի հետ՝ առանց խոչընդոտների հանձնառությունների իրականացմանը»:
Ծրագրի մշտական խորհրդատու, Բերնդ Մեսերշմիթը շեշտեց ծրագրի իրավական մոտարկման խնդիրներն ու թիմային աշխատանքի կարևորությունը:
Գերմանիայում միջազգային իրավական համագործակցության հիմնադրամի ներկայացուցիչ, անդամ-երկրի կողմից ծրագրի ղեկավար Ֆոլկեր Էլենբերգերը նշեց. «Այս ծրագրի հիմնական նպատակն է իրավունքի գերակայության իրականացումը: Այդ ուղղությամբ կազմակերպել ենք ութսուներկու առաքելություններ: Իսկ Հայաստանի դեպքում հաջողության բանալին ԵՄ-ի ձեռքում է»:
Տաթև ՀԱՐՈՒԹՅՈՒՆՅԱՆ
