Ուկրաինայի նախագահ Պետրո Պոռոշենկոն չեղյալ է հայտարարել Թուրքիա կատարելիք աշխատանքային այցը՝ Ուկրաինայում իրավիճակի սրման պատճառով և Ազգային անվտանգության և պաշտպանության խորհրդի (ԱԱՊԽ) շտապ նիստ հրավիրել: Ինչպես գրում է «Ինտերֆաքս»-ը, իրավիճակի սրումը կապված է «Ուկրաինա ռուսական զորքերի ներխուժմամբ»:
«Ես որոշել եմ չեղյալ հայտարարել Թուրքիայի Հանրապետություն նախատեսված աշխատանքային այցը՝ Դոնեցկի մարզում, մասնավորապես՝ Ամվրոսիևկայում և Ստարոբեշևոյում, իրավիճակի կտրուկ վատթարացման հետ կապված, քանի որ Ուկրաինա են ներխուժել ռուսական զորքերը», – Նախագահի մամուլի ծառայության փոխանցմամբ, հայտնել է Պոռոշենկոն:
Նա նշել է, որ հինգշաբթի ԱԱՊԽ-ի նիստ կգումարի հետագա քայլերը որոշելու համար:
Պատրաստեց Հովհաննես ԻՇԽԱՆՅԱՆԸ
