Արագածոտնի մարզի Աշտարակ համայնքում գտնվող «Կոշ» քրեակատարողական հիմնարկն ու դրան կից շինություններն ու հողամասը փոխանցվում են պաշտպանության նախարարությանը։ Այս մասին որոշումն ընդգրկված է կառավարության այսօրվա նիստի օրակարգում՝ որպես չզեկուցվող հարց։
Ըստ նախագծի՝ «Կոշ»-ի տարածքում ՊՆ-ն ստեղծելու է ուսումնական զորամաս։
Հիշեցնենք, որ «Կոշ» քրեակատարողական հիմնարկի գործունեությունը դադարեցվել է 2022 թ․-ի հունվարի 1-ից՝ թերբեռնվածության հիմնավորմամբ։ «Կոշի» հետ նույն ժամանակ եւ նույն հիմնավորմամբ դադարեցվել է նաեւ «Հրազդան» ՔԿՀ-ն։
