Լրահոս
Օրվա լրահոսը

ԵՄ դեսպանը՝ ԵՏՄ անդամակցության խոչընդոտների մասին. «Դիմեք ձեր իշխանություններին»

Հոկտեմբեր 10,2014 17:47 Share
Աջակցեք aravot.am-ին

«Հարցրեք ձեր իշխանություններին»,-Aravot.am-ի հարցին՝ արդյոք ՀՀ անդամակցությունը Եվրասիական տնտեսական միությանը (ԵՏՄ) չի՞ խոչընդոտի ԵՄ-ՀՀ հետագա համագործակցությանը և ո՞րը պետք է լինի այն իրավական հարթությունը, որի հիման վրա պետք է համագործակցեն, այսպես պատասխանեց ՀՀ-ում ԵՄ պատվիրակության ղեկավար Տրայան Հրիսթեան:

ԵՏՄ-ի՝ խոչընդոտ լինելու առումով դեսպանը հարցրեց. «Իսկ ինչու՞ պետք է խոչընդոտի»:

Մեր դիտարկմանը, թե փոխվելու է օրենսդրական, իրավական դաշտը, և ՀՀ-ում պատկերացում էլ չունեն, թե ինչ հարթության վրա պետք է լինեն հետագա հարաբերությունները, պարոն դեսպանն արձագանքեց. «Մենք Վիլնյուսում պայմանավորվել ենք, որ շարունակելու ենք մեր համագործակցությունը: Հիմա պահն է ձևակերպումներ մտցնել»:

Մեր խնդրանքին հստակեցնել ձևաչափը, պարոն դեսպանն ի պատասխան խորհուրդ տվեց դիմել ՀՀ իշխանություններին՝ նշելով, որ իրենք մշտապես թափանցիկ են աշխատել և այժմ ՀՀ իշխանությունների հետ քննարկում են ոլորտային համագործակցությանը վերաբերող հարցեր, քանի որ մնացածի առումով Վիլնյուսում պայմանավորվածություն ձեռք բերել են:

Տաթև ՀԱՐՈՒԹՅՈՒՆՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Մեկնաբանություններն անջատված է: