Այսօր Գյումրու Վարդան Աճեմյանի անվան դրամատիկական թատրոնում հայտարարեց ՀՀ զինված ուժերի երրորդ բանակային կորպուսի հրամանատար, գնդապետ Օնիկ Գասպարյանը: Բանակային այս կորպուսի զորամասերը տեղակայված են Տաուշում և Լոռիում: Վերջինս եկել էր Գյումրի` այս քաղաքից երրորդ բանակային կորպուսում ծառայության ընթացքում աչքի ընկնող 54 գյումրեցի զինծառայողների կարճաժամկետ`5 օրյա արձակուրդ տալու ու ծնողներից հատուկ շնորհակալություն հայտնելու:
Դահլիճում նախ վավերագրական ֆիլմցուցադրվեց `հայ-ադրբեջանական շփման գոտում մեր զինվորների ծառայության մասին:
Կարդացեք նաև
Հնչեցին նաև երաժշտական կատարումներ` զինծառայողների նվագակցությամբ, այնուհետ ելույթ ունեցավ հրամանատար Օնիկ Գասպարյանը: Նա ասաց, որ պատերազմը դեռ չի ավարտվել, և պարտություն կրած թշնամին, կորցնելով իրականության զգացողությունը և գերագնահատելով իր ուժերը, փորձում է սադրանքներ իրականացնել մեր հենակետերի վրա: Այդպիսի մի սադրանք իրականացրեց հուլիս-օգոստոս ամիսներին, սակայն, արդյունքում ծեծված շան նման հետ շպրտվեց մեր սահմաններից` տալով զգալի կորուստներ:
«Մեր զինվորները հակառակորդի հետ անմիջական շփման պայմաններում հուսալի պահպանում և պաշտպանում են մեր սահմանները: Դա ամենօրյա քրտնաջան, նաև վտանգավոր, բայց ծայրահեղ անհրաժեշտ աշխատանք է, որը անտրտունջ կատարում են 18-20 տարեկան մեր զինվորները, հաճախ նույնիսկ չպատկերացնելով, որ հերոսական գործ են կատարում`համարելով այն սովորական պարտականությունների կատարում»,- ասաց հրամանատարը:
Մանրամասները` տեսանյութում
Նունե ԱՐԵՎՇԱՏՅԱՆ
Հայից ու Հայաստանից փախչողները ծեծ ած չեն չէ*:Ինչպիսի նվաճում:Ազգ եք է, ազգային մտածողությամբ:Մի քիչ էլ առաջ, ու 15-ը ձերն է :