Խորհրդային տարիներին միայն Երեւանում 10 հրաձգարան կար, հանրապետության բոլոր շրջանները հրաձագարան ունեին եւ այնտեղ մարզվում էին: Բայց ներկա պահին Երեւանում կա նորմալ գործող մեկ հրաձգարան, ԴՕՍԱԱՖ-ի հրաձգարանը կիսով չափ է աշխատում, Վանաձորում՝ մեկ հատ խարխուլ ու փոքր չափերի, իսկ Գյումրիում, որտեղից միշտ ունեցել ենք լավ հրաձիգներ, ներկա պահին կա մեկը, որը պատկանում է անհատի: Այնտեղ հրաձիգները վարձակալությամբ են մարզվում», – երեկվա մամուլի ասուլիսում ասաց Հայաստանի հրաձգության հավաքականի ավագ մարզիչ Սեյրան Նիկողոսյանը:
Մասնագետի խոսքերով, մինչեւ այժմ պաշտպանության նախարարությունն էլ մարզաձեւի զարգացմանը չի օգնել: «Հիմա բանակցում ենք ՊՆ-ի հետ: Մեր ֆեդերացիայի նախագահը մի քանի անգամ արդեն բանակցել է եւ հուսով ենք, որ համագործակցություն այսուհետեւ կլինի», հավելեց մասնագետը:
Բանախոսի համոզմամբ, եթե լինի անհրաժեշտ աջակցություն, հատկապես պատանիներն ու երիտասարդները միջազգային մրցումների ավելի շատ կմասնակցեն: Այդուհանդերձ, Սեյրան Նիկողոսյանը հույս է փայփայում, որ Հայաստանի հրաձիգները կպայքարեն Ռիո դե Ժանեյրոյի օլիմպիական խաղերի 2-3 ուղեգրի համար:
Կարդացեք նաև
Աշոտ ՀԱԿՈԲՅԱՆ
