Այսօր այս մասին Գյումրու քաղաքապետ Սամվել Բալասանյան հետ հանդիպման ժամանակ տեղեկացրեց Մոսկվայում տեղակայված Հայաստանի հանրապետության Ճապոնիայի դեսպանատան խորհրդական Կենիտիրո Սասամեն:
Ըստ նրա, Ճապոնիայի դեսպանատունը Հայաստանում կբացվի հաջորդ տարվա հունվարի մեկից, և ինքը հիմա Մոսկվայից գործուղվել է Հայաստան՝դեսպանատան բացման նախապատրաստական աշխատանքերով զբաղվելու: Խորհրդականի ու քաղաքապետի խոսակցությունը ծավալվեց տարբեր թեմաների շուրջ: Քաղաքապետ Սամվել Բալասանյանը հետաքրքրվեց, թե ի՞նչ կարող է անել Ճապոնիան Գյումրու համար: Քաղաքագլուխը հիշեցրեց, որ Գյումրին տեխնոպարկ ունի ու հարցրեց, թե ի՞նչ ներդրումներ կարող են անել:
Այնուհետ Սամվել Բալասանյանն ասաց, որ Ճապոնիան ու Հայաստանը բախտակից երկրներն են, երկուսն էլ երկրաշարժ են տեսել և հետաքրքրվեց դեսպանատան ներկայացուցչից, թե ի՞նչ են անում իրենց քաղաքները վերականգնելու ուղղությամբ: «Ամեն ինչ անում ենք , որ վերականգնվեն»,- ասաց ճապոնացի հյուրը: Գյումրու քաղաքապետը նորից հետաքրքրվեց, թե դեռ շատ անելիք ունե՞ն վերականգնելու: «Դեռևս մարդիկ կան, որոնք ապրում են էդ ժամանակավոր տնակներում, և աշխատանքները դեռ ընթացքի մեջ են և շատ աշխատանք կա»,- ասաց ճապոնացին:
Կարդացեք նաև
«Դե մենք 26 տարի էդ վիճակի մեջ ենք, 1988 թվականից: Մոտ 25 հազար զոհ ունեցանք, արտադրական պոտենցիալի լուջ կորուստ՝ մոտ 75 տոկոս», իր բախտակից ընկերոջը դժգոհեց Սամվել Բալասանյանը: Քաղաքապետը հետաքրքրվում էր, թե Ճապոնիան ի՞նչ մեխանիզմ է օգտագործում երկրաշարժի դեմ պայքարելու համար:
Հյուրին նվիրեցին Գյումրու մուշուրբա: «Սա երգող բաժակ է»,-ներկայացրեց քաղաքապետը:
Նունե ԱՐԵՎՇԱՏՅԱՆ
