Դերասան Վարդան Պետրոսյանի պաշտպան Նիկոլայ Բաղդասարյանը դիմել էր այլ պետության փորձագետների, թե ընթերակա Գրիշա Գասպարյանը ինքն էր ստորագրել դեպքի վայրի զննության արձանագրության տակ, թե ոչ:
Դատարանում, թե քննչական գործողության ժամանակ համեմատվել էին ընթերակայի ձեռագրերը, պարզվել էր, որ դրանք չեն համապատասխանում:
Ըստ Վերսալի ձեռագրաբան-փորձագետի` «այն ստորագրությունը, որն առկա է արձանագրության մեջ, ամենայն հավանականությամբ, չեն կատարվել Գրիշա Գասպարյանի ձեռքով: Այն համարվում է Գ.Գասպարյանի ստորագրությունների նմանակում»:
Կարդացեք նաև
Տուժող Արթուր Հակոբյանի պաշտպան Ռուբեն Բալոյանը հանդես եկավ առարկությամբ, կապված դեպքի վայրի զննություն արձանագրությունն անթույլատրելի ճանաչելու պաշտպանական կողմի միջնորդության հետ:
Ռուբեն Բալոյանն անդրադարձավ երկրորդ ընթերակայի, մասնագետ-փորձագետ, ոստիկանության աշխատակից Թորգոմ Եգորյանի վթարի վայրում կատարված զննությանը մասնակցելու գործողության օրինաչափության, ապա քննչական գործողության ժամանակ նկատված խախտումներին:
Անդրադառնալով քննչական գործողություններից հետո մասնակիցների ստորագրություններին, Ռ.Բալոյանն ասաց. «Ստորագրությունը արված է զննությանը մասնակցած անձանց կողմից: Տուժող կողմը վկա Մ.Խուդոյանի մասնակցությունը հավաստող ստորագրության բացակայության կապակցությամբ որեւէ առարկություն չունի»:
Ըստ նրա, դեպքի վայրի տեղը հայտնի է. այն տեղի է ունեցել կողնակում: Ռուբեն Բալոյանն ասաց, որ ապացույցն անթույլատրելի ճանաչելու միջնորդությունը պետք է մերժվի:
Ռուբեն Բալոյանի կարծիքով, «ձեւական պատճառաբանություններով» ամբաստանյալը պատժից կխուսափի եւ դրանով «լուրջ հարված կհասցվի արդարադատությանը»:
Ըստ տուժողների ներկայացուցչի, ֆոտոլրագրող Գագիկ Շամշյանի կողմից դեպքի վայրում նկարածից էլ պարզ է, որ 90- 95 տոկոսով դեպքի վայրում առկա ապակու եւ այլ կտորները հաստատում են, որ գտնվել են ԲՄՎ-ի մոտ:
Դատավոր Վաղինակ Մկրտչյանը որոշեց ոստիկանության Կոտայքի մարզի քննչական բաժնի ավագ քննիչ Հայկարամ Հակոբյանի դեպքի վայրի անցյալ տարվա հոկտեմբերի 20-ի զննության անցկացնելու արձանագրության որոշումը, զննության արձանագրության վերաբերյալ վերջնական ընթացքը լուծել դատական ակտի ժամանակ:
Ռուզան ՄԻՆԱՍՅԱՆ
