Այսօր ԱԺ-ում ԵՏՄ անդամակցության պայմանագրի մասին խորհրդարանական լսումների ժամանակ «Ժառանգության» պատգամավոր Զարուհի Փոստանջյանը Արցախի ճանաչման խնդրին անդրադարձավ: Հիշեցնենք, որ «Ժառանգության» առաջնորդ Րաֆֆի Հովհաննիսյանն իր վերջին ասուլիսում ասել էր, որ ոչ «Ժառանգությունը», ոչ էլ ինքը այլեւս երբեք չեն բարձրացնի այդ հարցը, քանի դեռ չկա լեգիտիմ իշխանություն:
Զարուհի Փոստանջյանն ասաց. «Մեր խմբակցությունը բազմիցս հանդես է եկել, որ մինչեւ ԵՏՄ անդամակցությունը պարտադիր պետք էր ճանաչել Արցախի Հանրապետությունը: Չճանաչելով մենք թույլ ենք տալիս գալ այստեղ, մեր սահմաններին մոտենալ, Պուտինն էլ ասաց՝ մենք երբեք այստեղից չենք գնացել: Կլինի ժամանակ, ոնց եկել եք, այդպես էլ կգնաք, հարցը դա չէ, բայց մեր սահմանին միայն մենք իրավունք ունենք գործ ունենալու»:
Զարուհի Փոստանջյանը հայտարարեց, որ ԵՏՄ անդամակցության գործընթացն ապազգային է. «Սերժ Սարգսյանի գործունեությունը եղել է ապազգային եւ չի բխել ՀՀ շահերից: Սերժ Սարգսյանին պաշտոնանկ անելու գործընթաց պետք է սկսել՝ պետական դավաճանության համար: Այս համաձայնագրի ստորագրումը դիտարկում ենք որպես պետական դավաճանություն»:
Դեռ Զարուհի Փոստանջյանը խոսքը չէր ավարտել, Վարդան Այվազյանը սեղմեց զգուշացման կոճակը եւ կոռեկտության կոչ արեց: Այնուհետեւ տեղից սկսեց միջամտել ՀՀԿ պատգամավոր Սուքիաս Ավետիսյանը, որը Սերժ Սարգսյանի թասիբը փորձեց պահել:
Կարդացեք նաև
Վարդան Այվազյանի խոսքերով՝ «պորտից ներքեւ հարված չի կարելի անել»:
Զարուհի Փոստանջյանի թիկունքն էլ պահեց Ալեքսանդր Արզումանյանը՝ բղավելով, որ կարծիք արտահայտելը նրա իրավունքն է: Վարդան Այվազյանն ու մյուս ՀՀԿ-ականները հակադարձեցին:
Զարուհի Փոստանջյանը հայտարարեց, որ բոլոր նրանք, ովքեր կողմ կքվեարկեն այս պայմանագրին, նույնպես կհամարվեն պետական դավաճաններ:
Հաջորդ ելույթը ՀՀԿ խմբակցության պատգամավոր Խոսրով Հարությունյանինն էր: Մինչ իր ելույթին անդրադառնալը՝ նա ռեպլիկ արեց. «Տխուր կլիներ եւ սպառնալի, եթե 2013-ի ընտրությունների արդյունքում ընտրված լիներ Րաֆֆի Հովհաննիսյանը»:
Հռիփսիմե ՋԵԲԵՋՅԱՆ
Պորտից ներքև, ուսից վերև,
Նույն զրոն է դավադիր նեռ,
Ճիշտ ես ասում, դու Զարուհի,
Դավաճանն է ղեկին գահի:
Դուր չի գա դա ձև որձերին,
Ոչինչ, մնանք ճշտի գերին:
Ляпис Трубитской- ”Баллада о гангрене” )))))))
…И вот Гаврила наконец-то
Костюмчик с галстучком надел,
И шляпу водрузил на место,
И как бы весь помолодел.