Ռուսաստանի դեմ Եվրամիության պատժամիջոցները երկարաձգելու հարցը պետք է լուծված լինի մարտին, սակայն դրա վերաբերյալ քննարկումները դեռ չեն սկսվել, այս մասին «ՏԱՍՍ»-ին հայտնել է ԵՄ արտաքին քաղաքականության հարցերով զբաղվող աղբյուրը:
ԵՄ կանոնակարգի համաձայն, եթե 28 երկրները պատժամիջոցների հարցում համաձայնության չգան, նրանց գործողության ժամկետը կավարտվի բնական եղանակով:
«Մարտ ամսին մեկնարկում է անհատական պատժամիջոցները երկարաձգելու ժամկետը: Այդ մասին այսօր շատ երկրներ են մտածում, բայց քննարկումներ դեռ չեն սկսվել», – ասել է աղբյուրը` նշելով, որ շատ բան կախված կլինի այդ ժամանակվա իրավիճակից, – «Այս պահին ԵՄ երկրները հետաքրքրված չեն այդ հարցի քննարկմամբ»:
Նա նաև նշել է, որ Ուկրաինայի խնդրում ԵՄ-ի և Ռուսաստանի տարաձայնությունները չեն խանգարում այլ միջազգային հարցերի շուրջ համագործակցությանը, մասնավորապես` Իրանի և Սիրիայի:
Կարդացեք նաև
Պատրաստեց Հովհաննես ԻՇԽԱՆՅԱՆԸ
