Ադրբեջանի նախագահ Իլհամ Ալիեւը համարում է, որ Հայաստանը 2014 թվականին կիրառում էր ղարաբաղյան հակամարտության կարգավորման իմիտացիայի մարտավարություն: Այդ մասին, ըստ haqqin.az-ի՝ նա հայտարարել է շաբաթ օրը կայացած Նախարարների խորհրդի ընդլայնված նիստում, որը նվիրված էր 2014 թվականին Ադրբեջանի սոցիալ-տնտեսական զարգացման արդյունքներին:
Ւլհամ Ալիեւն ընդգծել է, թե Հայաստանն անցած տարի «չի ձեռնարկել որեւէ կառուցողական քայլ հակամարտության կարգավորման համար»: Նաեւ հավելել է, որ 2014 թվականին Հայաստանը ձեռնարկել է «մի շարք բացահայտ սադրանքներ Ադրբեջանի նկատմամբ, բայց այդ փորձերը կանխվել են Ադրբեջանի զինված ուժերի կողմից, ընդ որում՝ թշնամին ունեցել է մարդուժի զգալի կորուստներ»:
Ադրբեջանի նախագահն ընդգծել է, որ 2015 թվականին Ադրբեջանը կշարունակի ուշադրություն դարձնել պաշտպանական խնդիրներին. «Ադրբեջանի պաշտպանության բյուջեն 2015 թվականի համար երկու անգամ ավելի մեծ է Հայաստանի ամբողջ բյուջեից»:
Իլհամ Ալիեւը նաեւ նշել է, թե միջազգային ասպարեզում Ադրբեջանի դրական կերպարը փչացնելու բոլոր փորձերը դատապարտված են ձախողման եւ ոչ ոք չի կարող խոսել Ադրբեջանի հետ՝ վերջնագրերի լեզվով:
Կարդացեք նաև
Պատրաստեց՝ Աննա ԻՍՐԱՅԵԼՅԱՆԸ
Սերժի սոցիալ տնտեսական զարգացումն էլ կրկնակի մեծ է իրենց բյուջեից: