Այսօր էներգետիկայի եւ բնական պաշարների նախարար Երվանդ Զախարյանը «Նաիրիտ» գործարանում, ինչպես որ խոստացվել էր, հանդիպել է գործարանի աշխատակիցների հետ: Նախարարը խոստացել է նաիրիտցիներին մեկ ամսվա աշխատավարձը վճարել մինչեւ փետրվարի 25-ը, իսկ փետրվարի 25-ից հետո պարզ կլինի հետագա վճարումների ճակատագիրը: Այս մասին այսօր Aravot.am-ին վստահեցրեց գործարանի մամուլի ծառայության ղեկավար Անուշ Հարությունյանը:
Նրա պատմելով` նախարարը նախ ուզում էր գործարանի դահլիճում հանդիպումն անցկացներ, սակայն նաիրիտցիները դեմ էին, քանի որ դահլիճը փոքր է, եւ ոչ բոլորը կարող էին ներկա լինել, ուստի հենց գործարանի բակում էլ խոսել է աշխատակիցների հետ:
Անուշ Հարությունյանի փոխանցմամբ` դեռ 18 ամսվա աշխատավարձերի պարտք կա վճարելու:
Մեր հարցին` արդյոք նախարարը խոսե՞լ է «Նաիրիտի» հետագա գործարկման եւ աշխատակիցների կրճատումների մասին, Անուշ Հարությունյանն ասաց` «վերագործարկման մասին խոսակցություն չի եղել, իսկ կրճատումներն ամսի 6-ից շարունակվում են»:
Կարդացեք նաև
Հիշեցնենք, որ փետրվարի 6-ին «Նաիրիտի» աշխատակիցների մեծ մասը պաշտոնապես աշխատանքից ազատված են համարվելու, մնալու է մոտ 400 աշխատակից:
Նելլի ԲԱԲԱՅԱՆ