«Մենք անհանգստացած ենք վերջին 6 ամիսներին շփման գծում տիրող իրավիճակից: Մեր ուղերձը Ադրբեջանին եւ Հայաստանին այն է, որ նրանք պետք է դադարեցնեն լարվածություն ստեղծել եւ նստեն բանակցությունների սեղանի շուրջ»,- այս մասին, ըստ ադրբեջանական «ԱՊԱ» գործակալության, հայտարարել է ԱՄՆ պետքարտուղարի օգնական Վիկտորիա Նուլանդը:
Նա նաեւ ընդգծել է. «Մենք ուզում ենք, որպեսզի Դուք աջակցեք ԵԱՀԿ Մինսկի խմբի շրջանակներում իրականացվող գործընթացներին»:
Ըստ Նուլանդի՝ Հայաստանը պետք է որպես մարդասիրական քայլ վերադարձնի ադրբեջանցի գերիներ Շահբազ Գուլիեեւին եւ Դիլհամ Ասկերովին. «Վաղը ես դա կասեմ Հայաստանում»:
Վ. Նուլանդն ասել է, որ Ադրբեջանի նախագահի հետ ընթացքում քննարկվել է Լեռնային Ղարաբաղի հակամարտության խնդիրը:
Կարդացեք նաև
Պատրաստեց Աշոտ ԻՍՐԱԵԼՅԱՆԸ
