Կենտրոն եւ Նորք-Մարաշ վարչական շրջանների ընդհանուր իրավասության դատարանի դատավոր Մնացական Մարտիրոսյանի նախագահությամբ շարունակվեց Նաիրա Բադալյանի դեմ հարուցված քրեական գործով դատական վիճաբանությունների փուլը: Մեղադրողը նրա համար պահանջեց 2,5 տարվա ազատազրկում, նաեւ նրան կալանքի վերցնել դատական նիստերի դահլիճից. նրա նկատմամբ մինչ օրս խափանման միջոց է ընտրվել ստորագրություն չհեռանալու մասին:
Նշենք, որ տուժողների մեջ էր Սարգիս Հացպանյանը, նրա կինը՝ Հասմիկ Պողոսյանը, Սոֆիկ Մովսիսյանը, Անուշ Սարգսյանը… թվով 7-ը, որոնց երեխաներին 2014թ. հուլիսին Հունաստան՝ կիթառի փառատոնի մասնակցելու համար ամբաստանյալ տիկինը գումարներ էր հավաքել՝ 2 մլն 155 հազար դրամին համարժեք, սակայն երեխաները փառատոնին չէին մասնակցել, քանի որ գումարները յուրացվել էր:
Նախաքննության ժամանակ Նաիրա Բադալյանն իրեն մեղավոր էր ճանաչել, իսկ դատաքննության ժամանակ, ըստ մեղադրողի, նա հայտնել էր, թե գումարը տվել է իր մոր ազգականին, որը խոստացել էր 2 օրվա ընթացքում տալ, սակայն չի կարողացել գումարները Մանկական ֆիլհարմոնիայի հաշվին մուտքագրել: Ըստ մեղադրողի՝ Մանկական ֆիլհարմոնիայի տնօրեն Սարգիս Մարգարյանը, ինչպես նաեւ տնօրենը, ցուցմունք էին տվել, որ նման բան չկա, իսկ ամբաստանյալը հետագայում ասել էր, թե հետաքննիչն է իրեն ուղղորդել, որ նման ցուցմունք տա:
Տուժող Անուշ Սարգսյանը դատարանին հարցրեց, թե ունի՞ քաղհայցով դիմելու իրավունք, իսկ մյուս տուժողն էլ՝ Հասմիկ Պողոսյանը, ասաց, որ եթե ամբաստանյալին 1 շաբաթ ժամանակ է պետք փոխհատուցելու համար, ապա իրենք ընդառաջ կգնան:
Կարդացեք նաև
Ուշադրության է արժանի այն, որ 7 տուժողներն էլ չունեն ներկայացուցիչ, որը նրանց իրավական հարցերում կաջակցեր:
Մարտի 18-ին պաշտպանական ճառով հանդես կգա Նաիրա Բադալյանի պաշտպանը, նաեւ ինքը:
Ռուզան ՄԻՆԱՍՅԱՆ
