11 տարվա գյուղապետ Կ. Դոլմազյանը միակ թեկնածուն էր:
Մարտի 15-ին համայնքի ղեկավարի ընտրություններ կայացան Իջեւանի տարածաշրջանի Ակնաղբյուր համայնքում: Թեկնածուն մեկն էր՝ գործող համայնքապետ, ՀՀԿ անդամ, 1968թ. ծնված Կարեն Դոլմազյանը: Տավուշի մարզի թիվ 40 ԸԸՀ-ից հայտնեցին, որ Ակնաղբյուրի ցուցակային 369 ընտրողից քվեարկությանը մասնակցել է 288-ր, որից 285-ը՝ կողմ,3-ը դեմ է քվեարկել Կարեն Դոլմազյանին: Կ. Դոլմազյանը Ակնաղբյուրը ղեկավարում է 2004 թվականից:
Մարտի 15-ին տեղի ունեցած ընտրություններում Տավուշի մարզկենտրոն Իջեւանում ավագանու 15 տեղին հավակնում էր 21 թեկնածու: Տավուշի մարզի թիվ 41 ԸԸՀ-ից տեղեկացանք, որ ցուցակային 14127 ընտրողներից քվեարկությանը մասնակցել է 8592 ընտրող: Ավագանու գործող կազմի 9 անդամներից 8-ը կրկին առաջադրել է իր թեկնածությունը: Նրանք բոլորն էլ ՝ Հովիկ Խեչյանը, Վարդան Օրդինյանը, Գրիգոր Դանիելյանը, Հասմիկ Ամիրյանը, Վահե Ղալումյանը, Էմիլ Վարդապետյանը, Սամվել Չիբուխչյանը, Արտակ Խաչատրյանը վերընտրվել են : Ինչպես եւ ավագանու նախորդ ընտրություններում, ամենաշատ ձայները՝ 1120, ստացել է ՀՀԿ անդամ Հովիկ Խեչյանը: Ամենաքիչ քվեներով ավագանու անդամ է դարձել Նարեկ Հարությունյանը,ով ստացել է 335 ձայն: Ավագանու ընտրություններում ամենաքիչ ձայները՝ 87, ստացել է Ի ջեւանի երաժշտական դպրոցի դասատու Էդգար Ամիրյանը:
Կարդացեք նաև
Ոսկան ՍԱՐԳՍՅԱՆ
Իհարկե անակնկալներ չեղան, եթե հաշվի չառնենք, որ տեղամասերից մեկում, ընտրողներից մեկի մոտ երեք քվեաթերթիկ է հայտնաբերվել, Էմիլ Վարդապետյանի օգտին քվեարկած, որը ավագանու ՕԵԿ թեկնածու է և տարածքային ընտրական հանձնաժողովի նախագահ Ա.Սարգսյանի ամուսնու եղբայրը: ???