Այսօր կառավարության շենքի մոտ «Նաիրիտ» գործարանի աշխատակիցները բողոքի ակցիա էին անում. նրանք պահանջում էին աշխատավարձերի մարում: Նշենք, որ «Նաիրիտ» գործարանի աշխատակիցներին չեն վճարել 18-24 ամսվա աշխատավարձեր:
Հիշեցնենք, որ փետրվարին շուրջ 2200 աշխատակցի աշխատանքից ազատել են, առանց պարտքի վերջնական մարման: Ընդհանուր առմամբ, կառավարությունը 5 միլիարդ դրամ է պարտք աշխատակիցներին:
Գործարանի արհմիության ղեկավար Հրաչ Թադեւոսյանն Aravot.am-ի հետ զրույցում ասաց, որ էներգետիկայի եւ բնական պաշարների նախարար Երվանդ Զախարյանը նաիրիտցիներին վստահեցրել է, որ եթե Միջպետական բանկի հետ խնդիրը լուծվի, ապա նաիրիտցիների խնդիրն էլ կլուծվի:
Հիշեցնենք, որ վերջերս Զախարյանը տեղեկացրել էր, որ պարտքը կարող վճարվել միայն գույքի վաճառքից հետո: Նախարարը նաիրիտցիներին վստահեցրել էր, որ գույքի վաճառքի հետ կապված փաթեթներն ուղարկվել են 3 կազմակերպությունների, որոնց հետ ներկայումս Միջպետական բանկի հետ, որտեղ այն գրավադրված է, այն պիտի վերադարձվի կառավարությանը, որից հետո խնդիրը նոր կկարգավորի կառավարությունը:
Կարդացեք նաև
Թադեւոսյանն ու այլ նաիրիտցիներ մեզ հետ զրույցում ասացին, որ ծայրահեղ քայլերի են պատրաստ, եթե իրենց աշխատավարձերը չվճարեն. նրանք պատրաստվում են նստացույց եւ բողոքի այլ ակցիաներ կազմակերպել:
Նաիրիտցիներից մեկի խոսքերով` «Մարդիկ պարտքով են ապրում, այլեւս հնարավոր չէ այսպես շարունակել: Ոչ մի հուսադրող բան չեն ասում: Հուսահատված վիճակ է, իսկ մարդիկ պատրաստ են հուսահատ քայլերի դիմել»:
Մանրամասն` տեսանյութում
Նելլի ԲԱԲԱՅԱՆ
