Ռուբեն Եգանյանի կարծիքով՝ որոշ դեպքերում աշխատատեղերը եւ վաստակի մեծությունը այնքան է պակասել, որ մեկնելու տնտեսական իմաստը հարցականի տակ է դարձել
«Բավարար հիմքեր չկան սպասելու համար, որ մեր միգրանտների վիճակը Ռուսաստանում կփոխվի եւ կբարելավվի»,- ապրիլի 18-ին «Հայելի» մամուլի ակումբում լրագրողների հետ հանդիպման ընթացքում ասաց ժողովրդագիր Ռուբեն Եգանյանը:
Մանրամասները՝ տեսանյութում:
Նա հայտարարեց, որ երեւույթը որոշ խավերի համար շահավետ է, քանի որ այդ մարդիկ, հարվածների տակ գտնվելով, ստիպված են տարբեր կառույցների կոռուպցիոն վճարներ կատարել. «Չեմ կարծում, որ իրավիճակը էապես կփոխվի: Միգուցե մեր միգրանտների վիճակը համեմատաբար լավ կլինի, քան այն երկրների միգրանտների վիճակը, որոնք չի մտել Մաքսային միության կազմի մեջ»:
Կարդացեք նաև
Պարոն Եգանյանը նկատեց, որ Ռուսաստանի տեսությունը ծանր վիճակի մեջ է. «Չեմ բացառում, որ մեկնող միգրանտների մի մասը կգնա՝ ոչինչ չվաստակելով եւ իր տնտեսական վիճակն էապես վատացնելով կվերադառնա: Այն ոլորտները, որտեղ այսօր մեր միգրանտները ներառված են՝ շինարարությունը, սպասարկման ոլորտը, առեւտուրը, տնտեսական վիճակը վատ է՝ե՛ւ աշխատատեղերն են պակասել, ե՛ւ վաստակի մեծությունը: Կարծում եմ՝ որոշ դեպքերում այնքան են պակասել, որ մեկնելու տնտեսական իմաստը հարցականի տակ է դարձել»:
Մանրամասները՝ տեսանյութում:
Ամի ՉԻՉԱԿՅԱՆ
