Երեկ շրջանառվեց Սյունիքի մարզպետ Սուրիկ Խաչատրյանի որդու՝ Տիգրան Խաչատրյանի հերթական քաջագործության մասին։ Ըստ այդ լուրերի՝ մայիսի 2-ին, երեկոյան, Տիգրան Խաչատրյանը Գորիսում մեքենա վարելիս վեճի է բռնվել զուգահեռ անցնող ավտոմեքենայի վարորդի հետ։ Վեճը շարունակվել է երեկոյան, որի ժամանակ 2 եղբայրներին մարզպետի որդին 40 հոգանոց «դասակով» ծեծի է ենթարկել։ Նրանցից մեկը տեղափոխվել է Երեւան՝ աչքի լուրջ վնասվածքով:
Հիշենք ընդամենը 10 ամսվա վաղեմության մի դեպք. 2014թ. օգոստոսի 2-ին ճանապարհային ոստիկանության հատուկ պահպանվող տարածք է տեղափոխվում Սուրիկ Խաչատրյանի որդու՝ Տիգրան Խաչատրյանի վարած Mercedes G 0 500 մակնիշի 077 QQ 77 համարանիշի ավտոմեքենան։ Ժամը 05:00–ի սահմաններում Տիգրանը որոշել էր երթեւեկել Երեւանի կենտրոնի՝ Մաշտոցի պողոտայի մայթերով։ Մեքենայի դիմապակուց բացակայել էր տեխզննման կտրոնը, վարորդն էլ գտնվել էր ոչ սթափ վիճակում։ Տուգանվեց 150 հազար դրամով։ Մայրը հերքում էր՝ իմ տղան… Հայրը մի քանի օր անց հաստատեց. «Դե հիմա ջահել տղա է։ Ես ավելի վատ եմ պատժել իրեն, մեքենայից զրկել եմ»։ Խեղճ տղան այդպես էլ առանց մեքենայի մնաց…
Սեւակ ՀԱԿՈԲՅԱՆ
Հոդվածն ամբողջությամբ կարող եք կարդալ «Հրապարակ» թերթի այսօրվա համարում