Aravot.am-ը Աշոցքի բնակիչներին հարցրեց, թե հոսանքի թանկացման դեպքում ինչպե՞ս են ապրելու այդ ցուրտ ու աղքատ տարածաշրջանում: «Վաբշե էլ ապրել չկա, կգնանք, գերեզմանները կապրինք, աղջիկ ջան»,-պատասխանեց գյուղի տղամարդկանցից մեկը:
Մեկ այլ տարեց տղամարդ էլ, հաշիվ պահանջեց երկրի իշխանություններից՝ ասելով. «Ինչի՞ են թանկացնում, երբ որ նույն հոսանքն է, սովետական պետության ժամանակ էլ նույն հոսանքը չէ՞ր, մի բան էլ հիմա հիդրոէլեկտրակայանների թիվն ավելացել է, էնքան գէս-եր ու ատոմակայաններ են աշխատում, դրանք էնքան են շատացել, ի՞նչ թանկացում, ինչի՞ են թանկացնում, քիչ ծախս են անում, գրպաններն են լցնում, ժողովրդի մասին չեն մտածում… Ինչի՞ մեր հոսանքը պիտի Վրաստանի ու Թուրքիայի բնակչին տան 13 դրամով, իսկ Հայաստանի բնակչին՝ 25 դրամով, էս ի՞նչ պատմություն է»:
Մի կին էլ բացականչեց . «Սաղ Հայաստանը ծախեցին ուրիշ երկրներին՝ Ռուսաստանին, Ճապոնիային, Ֆրանսիային, ջուրը, լույսը, գազը, կապը …Ամոթ է էլի»:
Մեր այս հարցից հետո, ով մոտեցավ տեսախցիկին՝ ամոթանք տվեց երկրի իշխանավորներին:
Կարդացեք նաև
Մանրամասները՝ տեսանյութում
Նունե ԱՐԵՎՇԱՏՅԱՆ
