Մարտունիում այսօր ավարտվեց շախմատի «Սեւանա լիճ 2015» միջազգային մրցաշարը, որին մասնակցեցին վեց երկրների երիտասարդ գրոսմայստերներ:
Ամփոփիչ մրցաշարային աղյուսակում առաջատարների եռյակը կազմեցին լեհ Յան Կշիշտոֆ Դուդան՝ 6,0 միավոր, իսպանացի Դավիդ Անտոն Գուիջարոն (նկարում)՝ 5,5 եւ հնդիկ Վիդիթ Սանտոշ Գուրջաթին՝ 5,0: Վերջինի հետ հավասար միավորներ վաստակեցին նաեւ հայաստանցի Սամվել Տեր-Սահակյանը եւ ռուսաստանցի Վլադիսլավ Արտեմեւվը, սակայն լրացուցիչ գործակիցներով նրանք հանգրվանեցին, համապատասխանաբար, չորրորդ եւ հինգերորդ հորիզոնականներում: Հաջորդ երեք տեղերն զբաղեցրին Ռոբերտ Հովհաննիսյանը, Հովհաննես Գաբուզյանը եւ Տիգրան Լ. Պետրոսյանը: Ամերիկահայ պատանի գրոսմայստեր Սամուել Սեւյանը 3,0 միավորով բավարարվեց նախավերջին տեղով, իսկ մրցաշարային աղյուսակը եզրափակեց Սալեմ Սալեհը (ՄԱԷ):
Աշոտ ՀԱԿՈԲՅԱՆ
Լուսանկարը՝ sevan.chessacademy.am-ի
