Քիչ առաջ Բուդաղյանների պաշտպան Հայկ Ալումյանն Aravot.am-ի հետ զրույցում տեղեկացրեց, որ Սյունիքի մարզի ընդհանուր իրավասության դատարանը կայացրել է հերթական անարդար դատավճիռը:
Դատարանը Արտակ Բուդաղյանին մեղավոր է ճանաչել: Հիշեցնենք, որ 2013 թվականի հունիսի 2-ի երեկոյան Սյունիքի մարզպետ Սուրիկ Խաչատրյանի՝ Լիսկայի առանձնատան մոտ հնչած կրակոցների դեպքի առթիվ հարուցվել էր քրեական գործ: Իսկ միակ մեղադրյալը՝ Արտակ Բուդաղյանը, մեղադրվում էր Ս. Խաչատրյանի ու նրա հարազատների հասցեին սպանության սպառնալիքներ տալու մեջ։
Հայկ Ալումյանն ասաց. «Մենք դժգոհ ենք դատավճռից եւ բողոքարկելու ենք այն Վերաքննիչ դատարանում»:
Կարդացեք նաև
Առայժմ դատարանը հրապարակել է միայն եզրափակիչ մասը, Հայկ Ալումյանն ասաց, որ ամբողջությամբ դատավճռին ծանոթանալուց հետո կդիմեն Վերաքննիչ:
Հիշեցնենք, որ երեկ Հայկ Ալումյանը մեր հարցին, թե ինչ ակնկալիքներ ունեք դատարանից, ասել էր, որ դատարանն արդար կլիներ այն դեպքում, եթե Արտակ Բուդաղյանը արդարացվեր, իսկ Տիգրան Խաչատրյանը եւ Զարզանդ Նիկողոսյանը քրեական պատասխանատվության ենթարկվեին՝ սպանության եւ ծանր մարմնական վնասվածք պատճառելու համար»:
Հռիփսիմե ՋԵԲԵՋՅԱՆ
Իսկ նախկինում 3 անգամ պաշտոնապե՛ս դատված լիսկան ՄԱՐԶՊԵՏ է: