Շոգ եղանակները խնդիր են հատկապես այն մարդկանց համար, որոնք չափից շատ են քրտնում: Առավել տհաճ է, երբ քրտնում են ոտքերը, որի ժամանակ ժողովրդական բժշկությունն առաջարկում է մի շաք տարբերակներ` քրտնարտադրությունը նվազեցնելու նպատակով: Օրինակ, խորհուրդ է տրվում առավոտյան ոտքերին ցանել բորաթթվի փոշի եւ ապա թեթեւակի թափահարելուց հետո՝ հագնել գուլպաները: Երեկոյան տաք ջրով (գոլից մի փոքր տաք) լվանալ ոտքերը: Այս բուժամիջոցը կիրառելուց 2-3 շաբաթ անց ոտքերն այլեւս չեն քրտնի:
Ուժեղ քրտնելու դեպքում ոտքերին ցանել կաղնու մանրացված կեղեւափոշի եւ քնել գուլպաներով: Առավոտյան ոտքերը լվանալ սառը ջրով: Կամ խորհուրդ է տրվում ամեն օր ոտքերը սառը ջրով լվանալուց հետո շփել կաղնու կեղեւի եփուկով:
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ» օրաթերթ
25.08..2015
