«Օվացիա» պրոդյուսերական կենտրոնի ղեկավար Տիգրան Գրիգորյանը Aravot.am-ի հետ զրույցում ասաց, իր իրենց համար մեծ պատիվ է աշխատել սիրված դերասան Վարդան Պետրոսյանի հետ, որն այլեւս իրենց կազմակերպության պրոդյուսերներից է:
«Ինքը լավ մարդ է լավ ընկեր, տաղանդավոր դերասան, իր գործի պրոֆեսիոնալ, ես պատիվ եմ համարում, որ ինքը ինձ անվանի ընկեր»,-ասաց Տիգրան Գրիգորյանը:
Նա հավելեց, որ շատ կցանկանար, որպեսզի տուժող կողմի հետ հաշտության եզրեր գտնվեին. «Շատ ծանր դեպք է պատահել, բայց իրենց համար դժվար է ապրել առանց ներելու, ինչպես դժվար է Վարդան Պետրոսյանի համար՝ ապրել չներված»:
Մեր հարցին՝ իսկ արվեստագետը կկարողանա՞ այդ հոգեվիճակով աշխատել, «Օվացիայի» ղեկավարը պատասխանեց. «Կարծում եմ այո, եթե Աստված չանի, ինչ-որ բան այն չլինի, Վարդանը կդիմի բժշկի»:
Կարդացեք նաև
Ավելի վաղ տեղեկացրել էինք, որ Վարդան Պետրոսյանը պատիժը կրելու է «բաց» ռեժիմով ու այդ ընթացքում դերասանական-պրոդյուսերական գործունեությամբ է զբաղվելու:
Գոհար ՀԱԿՈԲՅԱՆ
Շատ ուրախ եմ Վարդան Պետրոսյանի համար: Հուսամ, որ կկարողանա հաղթահարել այս մղձավանջը ու ակնհայտ հետապնդումը: Ինքը բարոյական ու հայրենասեր մարդու և քաղաքացու տպավորություն է թողնում: