«ՀՀԿ-ի մեծամասնությունը կարծես բաժանվել է 2 թեւի: Մի մասն ասում է, որ Սերժ Սարգսյանը չի պաշտոնավարելու, մյուս մասն ասում է՝ նա պետք է պաշտոնավարի, հո տանը չի նստելու, իհարկե, նման փորձառություն ունեցողը պետք է շարունակի իր պաշտոնավարումը»,- այսօր ԱԺ-ում Սահմանադրական փոփոխությունների նախագծի քննարկման ժամանակ ՀԱԿ խմբակցության ղեկավար Լեւոն Զուրաբյանը այսպես ԱԺ պետաիրավական հարցերի հանձնաժողովի նախագահ Հովհաննես Սահակյանին հարցրեց՝ Դուք այդ խմբերից որի՞ն եք պատկանում:
Հովհաննես Սահակյանը պատասխանեց, որ իրենց քաղաքական թիմում կարծիքը միատեսակ է, բայց ներքին ժողովրդավարության առումով կուսակցությունը առաջ է անցել: Նա ասաց, որ եթե Սերժ Սարգսյանը որեւէ պաշտոնի էլ չանցնի, պատմական հետք է թողել:
ԱԺ փոխխոսնակ Հերմինե Նաղդալյանն էլ լրացրեց կուսակցին. «Բարեբախտաբար, մեր կուսակցությունը տարբերվում է ՀԱԿ-ից, որտեղ 5 կուսակցությունով 6 կարծիք եք ունենում ամեն հարցի շուրջ»:
Դահլիճում ՀՀԿ-ականները սկսեցին ծիծաղել:
Կարդացեք նաև
Հռիփսիմե ՋԵԲԵՋՅԱՆ
