Ժուռնալիստների «Ասպարեզ» ակումբի խորհրդի նախագահ Լեւոն Բարսեղյանի կարծիքով, ՀԷՑ-ի վաճառքը «Լիորմանդ Հոլդինգզ Լիմիթեդ» օֆշորային ընկերությանը՝ Հայաստանը կթելու խոշոր գործարք էր:
«Վերեւներում որոշել են, որ հիմա էլ օֆշորում գրանցված ընկերությունը պետք է կթի Հայաստանը, հիմա էլ թող այդ ընկերությունը փող աշխատի, ինչ կլինի որ:
Հայաստանը վաղուց դարձրել են զանազան օլիգարխիկ խմբերի փող աշխատելու կթու կով: Այսինքն, ով ոնց կարող է գալիս ու այս տարածքում փող է աշխատում: Զարմանալի չէ, որ մեկին փոխարինում է մյուսը»,- ասաց Լեւոն Բարսեղյանը:
Նրան ամենից շատ հիմա հետաքրքրում է ոչ թե ՀԷՑ-ի առուվաճառքը, այլ էլեկտրաէներգիայի սակագնի հարցը. «Հետաքրքիր է՝ էլեկտրաէներգիայի սակագինը արդար կլինի՞, թե՞՝ ոչ: Դատելով աուդիտորական ընկերության հաշվարկներից՝ արդարության մասին խոսք լինել չի կարող: Տեսնես ինչ հրաշք պետք է լինի, որ էլեկտրաէներգիայի սակագինը արդար հաշվեն»:
Կարդացեք նաև
Անդրադառնալով «Տաշիր Գրուպի» հայտարարությանը՝ հաջորդ տարվա ընթացքում ընկերությունը սեփական միջոցների հաշվին՝ ՀՀ կառավարության հետ պարիտետային սկզբունքով, կփոխհատուցի բարձրացած եւ մինչեւ 2015թ. օգոստոսի 1-ը գործող սակագնի տարբերությունը՝ բնակչության եւ փոքր բիզնեսի համար, պարոն Բարսեղյանն ասաց, այդ հայտարարությունը նոր հարցեր է առաջ բերում. «Իսկ դրանից հետո ի՞նչ է լինելու, փաստորեն, իրենց էշն են քշում, ինչ տարբերություն՝ մատակարար ընկերությունն ով է, կարեւորն այն է, որ սակագինը սխալ է հաշված, ուռճացված է, անարդար»:
Արփինե ՍԻՄՈՆՅԱՆ
