Ռուսաստանի Դաշնության գլխավոր դատախազի տեղակալ Վիկտոր Գրինը հաստատել է գործարար Լեւոն Հայրապետյանի գործով մեղադրական եզրակացությունը: Նա մեղադրվում է խաբեբայության մեջ. տեղեկացնում է «Rosbalt»-ը:
ՌԴ գլխավոր դատախազության մամուլի ծառայությունից հայտնել են, որ 2010 թվականի հունվարից օգոստոս ամիսներին Հայրապետյանն, իրավաբան Սերգեյ Անտոնովի հետ, խաբելու եւ վստահությունը չարաշահելու միջոցով նախկին սենատոր Իգոր Իզմեստեւի մորը մոլորության մեջ է գցել ու խոստացել է դրամական պարգեւատրման դիմաց որդու նկատմամբ դատական վճիռը մեղմացնելը:
Այդ նպատակով, ըստ դատախազության, Հայրապետյանը 700 հազար դոլար գումար է վերցրել: Սակայն Հայրապետյանը հնարավորություն չի ունեցել այդ դատական գործի վրա ազդել:
Հայրապետյանի գործն ուղարկվել է Մոսկվայի Զամոսկվորեցկի դատարան: Հաղորդվում է, որ Սերգեյ Անտոնովը քննչական մարմիններից թաքնվել է եւ նրա նկատմամբ հետաքննությունը դեռ շարունակվում է:
Կարդացեք նաև
Պատրաստեց Աշոտ ԻՍՐԱԵԼՅԱՆԸ
