2013 թվականի դեկտեմբերի 2-ին ՀՀ եւ ՌԴ կառավարությունների միջեւ կնքված համաձայնագրով Հայաստանին մատակարարվող ռուսական գազի գինը որոշվում է տվյալ ժամանակահատվածում ՌԴ օրենբուրգի մարզում գազի գնից կախված:
Այսինքն եթե Օրեմբուրգում գազը էժանանա, ապա պետք է էժանան նաեւ Հայաստանին մատակարարվող ռուսական գազի գինը: Իրավիճակի հմայքն այն է, որ Օրենբուրգում գազի գինը հաշվարկվում է ռուսական ռուբլով, իսկ Հայաստանին վաճառվում է դոլարով: Ու քանի որ 2014 թվականից սկսած ռուբլին կտրուկ արժեզրկվել է, ուստի պետք է համաչափ նվազի նաեւ ՀՀ-ին մատակարարվող գազի գինը:
Այսինքն եթե Օրենբուրգում 1000 խմ գազը 2014 –ին արժեր 3200 ռուբլի եւ դա 100 դոլար էր, ապա ներկայումս Օրենբուրգում գազը կրկին արժե 3200 ռուբլի, որը սակայն 50 դոլար է: Ըստ համաձայնագրում առկա բանաձեւի, ՀՀ-ին մատակարարվող գազի 1000 խմ-ը ռուբլու արժեզրկումից հետո պետք է արժենար ոչ թե 165 դոլար, ինչպես հիմա է, այլ մոտ 110 դոլար: ՀՀ էներգետիկայի նախարարությունից այս խնդրի հետ կապված հարցին ի պատասխան հայտնեցին հետեւյալը. «Հայաստանին մատակարարվող գազի սակագինը այս տարվա համար արդեն իսկ նվազել է 189-ից 165 դոլարի: Ինչ վերաբերում է հետոյին, այդ ուղղությամբ բանակցություններ են վարվում»:
Հրապարակումն ամբողջությամբ՝ «Հայկական ժամանակ» թերթի այսօրվա համարում: