Stratfor վերլուծական կենտրոնի պատրաստած վերջին զեկույցի համաձայն, 2016թ. ընթացքում Ռուսաստանի և Թուրքիայի առճակատումը պետք է սրվի։
Հաջորդ տարվա աշխարհաքաղաքական հիմնական կանխատեսումների զեկույցում ամերիկացի փորձագետները նշում են, որ չնայած «Իսլամական պետություն» կազմակերպության թուլացմանը` Եվրոպայում և Մերձավոր Արևելքում 2016 թվականին ահաբեկչական ակտիվությունը կաճի։
«Իսլամական պետության» դեմ պայքարում Թուրքիան կամրապնդի իր դիրքերը։ Հավանաբար, կնախաձեռնի ցամաքային գործողություն Սիրիայի հյուսիսում և կավելացնի զորամիավորումներն Իրաքում։ Ընդ որում, թուրքերն, ըստ Stratfor-ի, ոչ միայն պայքարելու են «Իսլամական պետության» դեմ, այլև փորձելու են զսպել Սիրիայի քրդերին։
Ռուս-թուրքական առճակատումը հնարավոր չի լինի կանխել, թեպետ երկու երկրներն էլ չեն ցանկանում վերջնականապես խզել տնտեսական հարաբերությունները։ Թուրքերի գործողություններն անխուսափելիորեն կհանգեցնեն Անկարայի և Մոսկվայի շահերի բախման։
Կարդացեք նաև
Վերլուծաբանները միաժամանակ նշում են, որ Ռուսաստանն, ըստ էության, չէր ցանկանա թուրքերի հետ հարաբերությունների հետագա սրացում, քանի որ Թուրքիան հսկում է Սև և Միջերկրական ծովերը կապող ռազմավարական նշանակության նեղուցները։
Մանրամասներին կարող եք ծանոթանալ` «Ազատություն» ռ/կ-ի կայքում
