ՀՀ ԱԱԾ մամուլի կենտրոնը հայտարարություն է տարածել, որում, մասնավորապես ասվում է. «ՀՀ ԱԱԾ մարմինների կողմից իրականացված օպերատիվ-հետախուզական և քննչական գործողությունների արդյունքում բացահայտվել է արհեստավարժ մարզամրցումների մասնակիցների ու կազմակերպիչների կողմից կաշառք ստանալու դեպք:
2015 թվականի նոյեմբերին հայկական Ֆուտբոլային «Ուլիս Երևան» ակումբի գլխավոր մարզիչ Գագիկ Սիմոնյանը, ֆուտբոլիստ (պաշտպան) Հայկ Հունանյանը, «Ուլիս 2» ակումբի ադմինիստրատոր Արա Ազարյանը և մարզչի օգնական Ռուբեն Առուշանյանը հանցավոր համաձայնությամբ, «Տոտո» բուքմեյքերական գրասենյակի աշխատակցի միջոցով, կատարել են 1000-3000 ԱՄՆ դոլար խաղադրույքներ և ապահովելով խաղերի կանխատեսելի արդյունքները, ստացել են ապօրինի շահույթ, որը համապատասխան մասնաբաժիններով բաշխվել է վերը նշված անձանց և առանձին ֆուտբոլիստների միջև:
Դեպքի առթիվ ՀՀ ԱԱԾ քննչական վարչությունում հարուցվել է քրեական գործ` ՀՀ քրեական օրենսգրքի 201-րդ հոդվածի հատկանիշներով:
«Ուլիս Երևան» ակումբի գլխավոր մարզիչ Գագիկ Սիմոնյանը և ադմինիստրատոր Արա Ազարյանը կալանավորված են, 11.01.2016թ.-ին նաև ձերբակալվել են մարզչի օգնական Ռուբեն Առուշանյանը և ֆուտբոլիստ Հայկ Հունանյանը:
Նախաքննությունը շարունակվում է»:
Aravot.am-ը «Ուլիս» ՖԱ մամուլի քարտուղար, մարզական մեկնաբան Խաչիկ Չախոյանից փորձեց տեղի ունեցածի մասին մանրամասներ իմանալ:
Կարդացեք նաև
«Ես՝ ինքս, կատարվածի մասին տեղեկացել եմ ՀՀ ԱԱԾ-ի տարածած պաշտոնական հայտարարությունից եւ որեւէ մանրամասն ինֆորմացիա չգիտեմ», – պատասխանեց Խաչիկ Չախոյանը:
Աշոտ ՀԱԿՈԲՅԱՆ
Ինչո՞ւ պիտի խաղադրույք անելու հնարավորություն լինի Հայաստանում, որ մի հատ էլ մարդիկ հանցավոր համաձայնությամբ խաղադրույք կատարեն: