Գազպրոմը պատրաստվում է պահպանել գազի արտահանումը Ուկրաինա առնվազն մինչև 2018թ.: Այս մասին գրում է ՌԲԿ-ն՝ վկայակոչելով Bloomberg-ին, որը ծանոթացել է ընկերության կողմից դեկտեմբերին հավանության արժանացած բյուջեի հետ:
Նոյեմբերի վերջին «Գազպրոմը» դադարեցրել էր գազի մատակարարումը, քանի որ «Նեֆտոգազ Ուկրաինան» հրաժարվում էր կանխավճար տալ:
Ըստ գործակալության տեղեկության՝ «Գազպրոմը» ցանկանում է մինչև 2018թ. Կիևին մատակարարել գազի այնպիսի ծավալ, որը հավասար է անցյալ տարի Ուկրաինայի պահանջի 41 տոկոսին:
Փաստաթղթում հաշվի է առնվում նաև գազի գնի՝ մինչև միջին եվրոպական ցուցանիշի իջեցման հնարավորությունը:
Կարդացեք նաև
«Ուկրաինան երկար ճանապարհ է անցել՝ ռուսական գազի ներմուծումից կախվածությունը թուլացնելու համար, շատ երկար ճանապարհ: Բայց նա դեռ լիարժեք կերպով անկախ չէ Ռուսաստանից»,- գրում է Bloomberg-ի հոդվածագիրը:
Պատրաստեց՝ Վիկտորյա ԱՆԴՐԵԱՍՅԱՆԸ
