Ինչպես արդեն տեղեկացրել ենք, փետրվարի 23-ին հրապարակվեց «Հայբիզնեսբանկից» կատարված առանձնապես խոշոր չափերի վերաբերյալ գործով վերջնական դատական ակտը: Դատական ակտի հրապարակման ընթացքում ներկաներից ոմանք սկսեցին հայհոյել, հրմշտոց սկսվեց: Կարգադրիչները նրանց դուրս հանեցին նիստերի դահլիճից:
Դատական ակտի հրապարակումից հետո, երբ լրագրողները դուրս եկան Կենտրոն եւ Նորք-Մարաշ վարչական շրջանների ընդհանուր իրավասության դատարանի շենքից, դատարանի դռների առջեւ կանգնած էին դատական նիստի մասնակիցները, որոնց կարգադրիչները դուրս էին հանել:
Վերջիններս լրագրողներին խնդրեցին չհրապարակել դատական նիստի ընթացքում տեղի ունեցած միջադեպի կադրերը: Երբ լրագրողներից մեկը փորձեց պատասխանել նրանց, ներկաներից մեկը նրա վրա ջուր լցրեց:
Կատարվածից հետո Aravot.am-ը լուսանկարեց դատարանի շենքի դիմաց հավաքվածներին, ինչից հետո, հավանաբար նույն անձը, ջրի շիշը նետեց լրագրողների ուղղությամբ (այն ընկավ լրագրողներից մի քանի սանտիմետր հեռավորության վրա):
Aravot.am-ը դիմեց Կենտրոն եւ Նորք-Մարաշ վարչական շրջանի ընդհանուր իրավասության դատարանի կարգադրիչներին, վերջիններս էլ պատասխանեցին՝ չեն տեսել, ոչնչով չեն կարող օգնել:
Ամի ՉԻՉԱԿՅԱՆ
