«Ես ասել եմ, որ միջուկային պատերազմ չի լինելու, չնայած անընդհատ խոսում են Երրորդ համաշխարհային պատերազմից, Երրորդ համաշխարհայինն էլ առանց միջուկայինի չի լինելու, հետեւաբար՝ չի լինելու»,- փետրվարի 27-ին «Հայելի» մամուլի ակումբում լրագրողների հետ հանդիպման ընթացքում ասաց քաղաքագետ Լեւոն Շիրինյանը:
Ըստ նրա, այդ իրավիճակն իր առանձնահատկությունն ունի. «Երբ որ խոշոր տերությունները միջուկային պատերազմից խուսափում են կոնֆլիկտի բովանդակությունը իր ինտենսիվությամբ իջնում է ռեգիոններ: Այսինքն՝ ավելի դժվարանում է ռեգիոնային հարցերի լուծումը եւ նման բաները»:
Լեւոն Շիրինյանի կարծիքով՝ սկսվում է Միացյալ Նահանգների եւ Ռուսաստանի շահերի վերլուծության, դրանց փոխհամատեղման շրջանը. «Բայց տեսակետների տարբերությունն արմատական է՝ Ռուսաստանն ուզում է այսուհանդերձ Սիրիան մնա ամբողջական, ինչպես ես եմ ուզում, եւ կարծում եմ՝ մնալու է, եւ մնա ալեւիների իշխանության տակ, հայ ժողովրդի միակ շահն այստեղ է: Իսկ ամերկացիներն ուզում են բաժանել, որը Թուրքիայի շահերի հետ է համատեղվում, համատեղվում է նաեւ Իսրայելի շահերի հետ»:
Ըստ նրա, Հայաստանի շահն այն է, որ հակաթուրքական ուժ մնա, եւ հայկական լոբբին պետք է պայքարի Ասադի, ալեւիների եւ Սիրիայի ամբողջականության պահպանման համար: Ինչը համընկնում է Ռուսաստանի հետապնդած նպատակների հետ: Նրա կարծիքով՝ այստեղ ԱՄՆ-ն նահանջելու է. «Միացյալների հետաքրքրությունը դեպի Ասիա է: Ռեսուրսներն այնտեղ են, եւ նրա աշխարհաքաղաքական մրցակից Չինաստանն է, որը կարող է ժամանակին իրեն հզորությունից զրկել կամ հետը մրցակցել»:
Կարդացեք նաև
Ամի ՉԻՉԱԿՅԱՆ
Բարեկամներ, կան տառասխալներ, որոնք կարող են մարդկային կյանք արժենալ.
.
Լոբի (Phaseolus vulgaris) – ընդավորների ընտանիքին (Leguminosae) պատկանող խոտանման ցողուններով բույս։ Ըստ թփի ձևի՝ լոբին կարող է լինել …
լոբբի – քաղաքական օթյակ, lobby
Թեև լոբին մարդկային կյանքի տեսակետից մի փոքր անշառ է, սակայն երբ կարդացի ՛՛Հայկական լոբին…՛՛, մտովի տեղափոխվեցի ինչ-որ մի միջազգային գյուղատնտեսական ցուցահանդես, որտեղ մերոնք մեծ պարգևների են արժանացել…
Հարգելի Մարգար Մախսուդյան, վրիպակ էր, արդեն ուղղվեց: Շնորհակալություն: